أهم مخلوق على وجه الأرض

أهم مخلوق على وجه الأرض

محمد مرابط

_الجمعية الملكية الجغرافية في لندن أعلنت رسمياً أن أهم مخلوق على وجه الأرض هو “النحل”..أهم حتى من الإنسان….للأسباب الآتية:.- أحدث الأبحاث العلمية أثبتت ان النحل هو المخلوق الوحيد على وجه الأرض اللى استحالة ينقل أى عدوى من أي نوع..لا بكتيريا ولا فيروسات ولا فطريات…النحل هو المخلوق الوحيد “المعقم” تماماً حرفياً….- 70% من المنتجات الزراعية من كل الأنواع بتعتمد في دورة النمو بتاعتها بشكل أو بآخر على النحل..وبالتالى مش البشر لوحدهم..انما كمان ملايين الحيوانات هاتتضور جوعاً لو ماقامش النحل بدوره فى توفير الغذاء…(طبقاً لقول مأثور عن أينشتاين..بيقول انه لو اختفى النحل من الأرض..البشر قدامهم 4 سنين فقط قبل ما ينقرضوا هم كمان..).- النحل بيتواجد في كل بيئات العالم بلا استثناء…في الغابات..فوق الجبال..في الصحاري..في الجزر..في السهول والحقول..حوالين البحيرات..في قلب المدن…- الفوايد الصحية اللامحدودة لمنتجات النحل المختلفة..مش بس العسل..انما كمان الشمع..والصمغ…واللقاح…العسل مليان مضادات أكسدة بتعالج الإلتهابات وبتوطي الضغط المرتفع..وبيقلل الكوليسترول والدهون الثلاثية..وبيساعد على التئام الجروح والحروق..وبيحسن الكحة في الأطفال…الشمع بيمنع النزيف وبيحمي الجلد ويغذيه….الصمغ مضاد حيوي طبيعي..وبيقلل الإحتقان..وبيساعد في التئام الجروح والقرح..وله دور في علاج بعض أنواع السرطان..وبيقوي الجهاز المناعي..وبيحمي خلايا الكبد…اللقاح له آثار علاجية عبارة عن خليط من المذكور أعلاه..بالإضافة لتحسين أعراض ما بعد انقطاع الطمث.

.___المصيبة ان الجمعية الملكية الجغرافية اعلنت بالتوازي خبر مؤسف..ان النحل ابتدا ينقرض بالفعل من العالم..وفي بعض المناطق قل بنسبة تصل ل90%..أسباب بداية انقراض النحل تتلخص في التغيرات البيئية الحديثة اللى صنعها الإنسان: الأبخرة الكيمائية..الأسمدة..التصحر وقطع الأشجار أو حرايقها..وأخيرا اكتشفوا ان موجات الهواتف المحمولة كمان بتعمل تشتيت للنحل..فمابيقدرش يكمل مهمته كما ينبغي بينا بقى نرجع نتأمل الآيتين الكريمتين في شأن النحل فى السورة اللى اتسمت بإسمه:(وَأَوْحَى رَبُّكَ إلَى النَّحْلِ أَنِ اتَّخِذِي مِنَ الجِبَالِ بُيُوتًا وَمِنَ الشَّجَرِ وَمِمَّا يَعْرِشُونَ * ثُمَّ كُلِي مِن كُلِّ الثَّمَرَاتِ فَاسْلُكِي سُبُلَ رَبِّكِ ذُلُلاً يَخْرُجُ مِن بُطُونِهَا شَرَابٌ مُّخْتَلِفٌ أَلْوَانُهُ فِيهِ شِفَاءٌ لِّلنَّاسِ إنَّ فِي ذَلِكَ لآيَةً لِّقَوْمٍ يَتَفَكَّرُونَ) (سورة النحل آية 68 69)……………………………شوف التعبير القرآني العظيم “وأوحى ربك إلى النحل”…هو ربنا سبحانه وتعالى بيوحي لمين؟للأنبياء والرسل..لكنه شرف النحل كمان بتعبير “الوحي”..مش مجرد فطرة وغريزة وهداية..زي باقي المخلوقات في آية: “أعطى كل شىءٍ خلقه ثم هدى”…بما أن النحل بيعمل مهمة مقدسة لحفظ المخلوقات كلها..بما فيها الإنسان..فيستاهل “وحي”…الآية فيها ذكر لتنوع البيئات اللى بيعيش فيها النحل زى ما العلم الحديث أثبت: الجبال..الشجر..البيوت والجدران والأسقف…وبعدين نخللى بالنا من لفظ “كل الثمرات”..النحلة هي الوحيدة اللى بتاكل من كل الثمرات..المخلوقات التانية بتاكل بعض الأنواع بس..لكن بما ان النحلة مسئولة عن 70% من غذاء العالم..لازم تاكل من “كل” الثمرات…النحل له مسارات معينة “سبل ربك”..بيمشي فيها بفعل “الوحي الفطري”..اللي هى المسارات اللى الإنسان حديثاً خربها بتشتيت النحل…وأخيراً…معلومة مهمة..الأربع أنواع من منتجات النحل: العسل والشمع والصمغ واللقاح..كلها تندرج تحت عنوان “فيه شفاء للناس”…وكلها بلا استثناء تخرج “من بطونها” بطرق مختلفة..وبالمناسبة..النحلة لم تخضع لأى تطور من ساعة ما اتوجدت على الأرض..من 120 مليون سنة كانت نحلة..ولقوا لها آثار في الحفريات انها كانت طول الوقت نحلة.. ولسه زى ما هى نحلة…